Begaj: Situata në Kosovë zgjidhet vetëm nëpërmjet dialogut

Presidenti i Shqipërisë Bajram Begaj në konferencën e përbashkët me homologen Pirc Musar në Slloveni ka komentuar edhe situatën në veri të Kosovës.

Duke theksuar rëndësinë e stabilitetit në rajon, presidenti shqiptar tha se çdo çështja e vjetër apo e re në rajon duhet të zgjidhet përmes dialogut. Ndërsa homologia sllovene u shpreh se rajon nuk ka paqe, nëse kjo çështje nuk rregullohet.

“Shqipëria është promovuese e paqes, stabilitetit, sigurisë në rajon. Për fat të keq, situata në veriun e Kosovës na tregon se stabiliteti është shumë i rëndësishëm. Politika për deeskalim është politikë e ditës që i shërben pol për të kaluar zgjedhjet e radhës, po jo vendit.

Na takon që të lidhim ura komunikimi. Çdo çështje e re apo e vjetër duhet të diskutohet, e vetmja zgjidhje vjen përmes dialogut.

Të vazhdojnë atë që liderët e Kosovës dhe Serbisë kanë pranuar në Bruksel dhe anekset në Ohër.”, tha ai.

Ndërsa Musar u shpreh se nuk jemi të kënaqur me ato që po ndodhin atje. “Mendoj se jemi në të njëjtin rrugëtim, se nëse do të vazhdohet kështu nuk është mirë për shtetet. Nëse çështja nuk rregullohet, nuk do të kemi paqe në këtë rajon. Ka eskaluar deri në atë shkallë sa ne kemi dëgjuar për lëvizjet e forcave ushtarake dhe retorike të ashpër nga të dyja vendet.

Sa më parë duhet të miratohet dhe respektohet marrëveshje e nënshkruar për komunat serbe dhe premtimi i Serbisë që nuk do ta pengojë rrugëtimin e Kosovës drejt Europës.

Shqipëria për momentit është anën e Kombeve të Bashkuara dhe këto të fundit ndjekin situatën.”, u shpreh ajo.