Ndërkohë që politika në Kosovë është shprehur hapur kundër Ballkanit të Hapur, ish-presidentit Behgjet Pacolli i ka bërë thirrje Kosovës të ulet në tryezën e projektit. Teksa kujtoi se edhe Mali i Zi u bë pjesë e Open Balkan në samitin e organizuar sot në Ohër ndërsa Bosnja ishte aty në cilësinë e vëzhguesit ai tha se dëshiron ta shohë dhe Kosovën në një klub me Shqipërinë, Maqedoninë e Veriut dhe Malin e Zi, të mbështetur fuqishëm nga SHBA.
“Dua ta shoh edhe Kosovën në një klub me Shqipërinë, Maqedoninë e Veriut dhe Malin e Zi, të mbështetur fuqishëm nga SHBA. Është koha e duhur (kemi 3 Kryeministra shqiptar), aty mund të mirren vendime vetëm në favor të Kosovës, mos u frikësoni!”, shkruan Pacolli në rrjetin e tij social Facebook.
Pacolli bën një analogji mes historisë së Anglisë në Bashkimin Europian dhe qasjes së Kosovës ndaj Ballkanit të Hapur.
Ai thotë se ashtu siç Anglia ishte themeluese e Unionit Europian dhe kur e vleresoi doli nga ky union edhe Kosova mund ta bëjë këtë nëse vëren që aty kërkohet te bëhet diçka që shkon në dëm të Kosovës.
“Kosova nuk guxon të hezitoj dhe të paragjykoi në rrugën e integrimit euroatlantik të mbështetur nga SHBA. Ajo duhet të jetë aty ku flitet për urat, për integrimet dhe për ardhmërinë evropiane” shkruan Pacolli.
Sipas tij izolimi i duhet më së paku Kosovës.
“Nuk ka nevojë të frikësohemi nga vendi ku flitet për sfidat!”, shkruan ai.
Discussion about this post