Bëhuni gati! Ja çfarë ndodh me motin orët në vijim

Për ditën e Mërkurë, vendi ynë do të vijojë te jetë nën ndikimin e kushteve atmosferike të paqëndrueshme.

Moti parashikohet deri në orët e pasdites me vranësira mesatare deri të dendura shoqëruar me reshje shiu të herëpashershme me intensitet të ulët deri mesatar në formën e shtrëngatave apo stuihive afatshkurtra.

Duke filluar prej orëve të pasdites, reshjet e shiut në pjesën më të madhe të territorit fitojnë itensitet mesatar dhe të lartë në formën e rrebesheve dhe stuhive shoqëruar me shkarkesa elektrike. Në periudha afatshkurtra dhe lokalisht në zonën e veriut dhe qendër, këto reshje do të jenë të rrëmbyeshme shoqëruar me erë të fortë, parashikon Shërbimi Meteorologjik Ushtarak.

Era do të fryjë me drejtim juglindje – jugperëndim me shpejtësi mesatare 2-8m/s, e në bregdet dhe zonat luginore ajo bëhet e fortë deri në 12-18m/s.

Valëzimi në dete parashikohet i forcës nga 2 deri në 6 ballë.

Temperaturat parashikohen:

• në zona malore 2 deri 7°C
• në zona e ulëta 5 deri 16°C
• në zona bregdetare 9 deri 15°C