Kandidati i Enkelejd Alibeajt për Bashkinë Tiranë, Roland Bejko ka deklaruar se kryedemokrati Sali Berisha do t’ia trashëgojë Partinë Demokratike Ilir Metës, kreut të Partisë së Lirisë.
I ftuar në rubrikën “Opinion” në News24, Bejko tha se Meta është një patericë për Berishën aktualisht, duke qenë se ky i fundit nuk regjistrohej dot në zgjedhjet lokale të 14 majit, por që në fund do të marrë PD-në.
Ai thotë se Berisha është shpallur non-grata dhe pa partneritet me SHBA-të dhe BE-në, nuk mund të ketë PD.
“Kauza ime është largimi nga e shkuara e keqe, Berishizmi dhe të kemi një PD të mirëfilltë. Nuk do jetë kryetari që do vendosë nesër por forumet politike. Të ketë një demokraci funksionale. Në shtetin ligjor vendimet i marrin gjykatat dhe PD është partia… mund të them sot që ‘unë jam Sali Berisha’, por nuk jam. Është një vendim gjykate që thotë se do të drejtohet nga Alibeaj. Pjesa tjetër është pa emër, ka qenë pjesë e PD por është ndarë. Berisha e ka futur në koalicionin me partinë komuniste. PD është e vetmja parti demokrate në zgjedhje. Nëse ne nuk do dilnim me kandidatë s’do kishte demokratë, por do kishte vetëm flamuj socialistë. Duhet të çlirohet demokracia shqiptare. Sot unë përfaqësoj ligjin e fortë kundër Berishizmit. Pa partneritet me SHBA-në, Britaninë dhe BE, ta harrojnë që të vijë në pushtet një figurë e vjetër e konsumuar dhe të japë shpresa. Këta janë Berisha dhe Meta. Berisha e sheh Metën si të besuar dhe ndoshta pjesën e PD që ka marrë do ia trashëgojë atij. Paterica e Ramës është Berisha dhe Meta. Me Berishën non-grada dhe Metën pa parti të fuqishme, Rama do të rrijë në pushtet,”- tha Bejko.
Discussion about this post