Roland Bejko, i cili në 14 maj kandidoi për kryebashkiak të Tiranës, tha në një intervistë televizive, se mbështet bashkimin e PD-së por jo me Sali Berishën dhe berishizmin.
Bejko, i cili sot është një nga anëtarët e Këshillit Kombëtar të PD-së që drejtohet nga Lulzim Basha, tha se kjo parti nuk do të bashkohet kurrë me Foltoren.
“Unë jam për bashkim, por me largimin e Berishës dhe ‘berishizmit’. Po u bashkua dhe Partia Demokratike me Foltoren në Shqipëri vendoset monopoli politik dhe materializohet përjetësisht marrëveshja e 2008-s midis Ramës dhe Berishës.
Marrëveshja e 2008-s i dha monopolin politik dy krerëve të dy partive dhe futi sistemin dy-partiak në Shqipëri, prandaj gjëja e parë që do të bëjë Partia Demokratike sapo t’i jepet mundësia, që të fitojë shumicën e shqiptarëve dhe të mbështetjes, do të shfuqizojë vendimin e marrëveshjes së 2008-s. 2008-ta e ka dëmtuar demokracinë, e ka dëmtuar sistemin zgjedhor dhe votën”, u shpreh Bejko në një intervistë për Euroneës Albania.
Discussion about this post