Fredi Beleri, i cili ndodhet në burg nën akuzën e shitblerjes së votës, i ka bërë kërkesë Gjykatës së Durrësit, që të betohet si kryebashkiak i Himarës.
Kërkesa në Gjykatën e Durrësit ka mbërritur pak ditë më parë dhe do të shqyrtohet gjatë ditëve në vijim.
Çështja i është ngarkuar gjyqtarit Rexhep Bekteshi.
Edhe pse u arrestua 2 ditë para zgjedhjeve të 14 majit, Fredi Beleri fitoi garën për bashkinë e Himarës përballë Jorgo Goros të PS.
Beleri vijon betejën e tij me drejtësinë, edhe pse kërkesat e tij janë rrëzuar disa herë nga gjykata.
Çështja “Beleri” ka sjellë edhe reagime të shumta nga qeveria greke, e cila kërcënoi Shqipërinë për procesin e integrimit në BE.
Ndërsa kryeministri Edi Rama ka thënë se mbetet një çështje e drejtësisë dhe jo e qeverisë.
Discussion about this post