Federata e Futbollit të Belgjikës ka habitur jo pak botën e futbollit me njoftimin e emetuar, këtë të shtunë, teksa ka njoftuar se që nga ndeshja e radhës e Kombëtares së “djajve” belg do të ketë një ndryshim në lidhje me himnin e kombëtar.
Përfaqësuesja e drejtuar nga Domenico Tedesco, rikthehet në fushë në ditët e para të shtatorit, ku fillimisht do të udhëtojë drejt transfertës së Azerbajxhanit, më 9 shtator e më pas do të presë në “shtëpi”, Estoninë më 12 shtator.
Duke nisur nga sfida ndaj estonezëve, lojtarët do ta këndojnë Brabançonne (himni kombëtar belg) himnin në tri gjuhët që përdoren në Belgjikë, frëngjisht, holandisht e gjermanisht dhe rregulli i ri vlen edhe për ekipet kombëtare të moshave dhe kombëtaren e femrave.
“Himnin e dinë të gjithë, futbollistët dhe tifozët. Duam të rilançojmë Brabançonnen në një version të ri, një himn të unifikuar”,- thuhet në komunikatën e Federatës së Futbollit.
Discussion about this post