Është finalizuar me sukses operacioni policor i koduar “Radomira”, për goditjen e veprimtarisë kriminale në fushën e armëmbajtjes pa leje. Policia e Dibrës ka vënë në pranga një 35-vjeçar.
Mësohet se shtetasi Bashkim Himallari banues në fshatin Radomirë, është arrestuar pasi në banesën e tij është gjetur armë pa leje.
Gjatë kontrollit në banesën e tij, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë.
Materialet procedurale i kaluan Prokurorisë pranë Gjykatës së Shkallës së Parë Dibër, për veprime të mëtejshme.
Discussion about this post