Kryebashkiaku socialist të Fierit Armando Subashi do të hetohet nga SPAK, për shkak se akuzohet nga institucionet përkatëse për abuzime ndër vite me tenderët. Sipas të dhënave paraprake të publikuara, dëmi i shkaktuar buxhetit të shtetit nga këto afera korrputive me tenderët është mbi 15 milionë euro.
Ky nuk është kyrbashkiaku i vetëm që prej shumë vitesh në pushtet vjedh qytetarët përmes aferave të mëdha korruptive. Kujtojmë se me 6 korrik të këtij viti u arrestua edhe krybashkiaku i Lushnjes, Fatos Tushe për të njëjtën arsye, abuzime me tenderët.
Tushe u arrestua gjatë një operacioni të ndërmarrë me urdhër të SPAK, ku në pranga kanë rënë edhe 10 zyrtarë dhe ish-zyrtarë, të cilët janë: Flamur Peqini, Xhemal Hasko, Blerta Turuku, Ani Simoni, Andri Mushaj, Margarita Gjermeni, Bujar Murati, Ibrahim Lami, Xhemal Hasko dhe Gazment Çela. Këta të fundit akuzohen për veprat penale: “Korrupsion pasiv i personave që ushtrojnë funksione publike”, “Shkelja e barazisë së pjesëmarrësve në tenderë apo ankande publike”, “Shpërdorim i detyrës” dhe “Falsifikim i dokumenteve”.
Hetimi nga SPAK kishin nisur 1 vit më parë për një tender të kanalizimeve me vlerë 24 milionë lekë, ku dyshohet se është abuzuar me fondet publike. Me sa duket kryebashkiakët e vendosur nga Rama po bien një nga një në rrejtën e SPAK.
E.H/ gijotina.com/
