Uniformat blu në Mat kanë zbardhur dhe dokumentuar 3 vjedhje të ndodhura më parë në qytetin e Burrelit.
Në kuadër të operacionit të koduar “Filiali”, shërbimet e policisë arrestuan B. (M). Gj., 33 vjeç, banues në Burrel.
Nga tërësia e veprimeve hetimore të kryera dyshohet se ky person është autori i 3 vjedhjeve të ndodhura më parë dhe konkretisht:
Më datë 14.01.2020 ka tentuar të vjedhë një filial banke në qytetin e Burrelit.
Më datë 01.06.2020 ka vjedhur një shumë parash në marketin e një shtetasi.
Me datë 03.12.2020, ka vjedhur disa telefona celularë në një kompani celularësh.
Për të riun Gjykata e Rrethit Gjyqësor Mat ka vendosur masën e sigurisë “Arrest me Burg”.
