Ish-ministri i Shëndetësisë, Tritan Shehu ka komentuar takimin e djeshëm në Bled të Sllovenisë ku mori pjesë edhe kryeministri Edi Rama, dhe ku u diskutua për integrimin e vendeve të Ballkanit në BE.
Shehu ka reaguar në Facebook pas kritikave të Ramës ndaj Bullgarisë dhe BE, duke thënë se kryeministri nuk ka “pse të fshihet pas Maqedonisë së Veriut e as pas problemeve të saj me Bullgarinë, pasi atë nuk e ka vënë kush prokuror e as gjykatës për rajonin ndaj BE, shumë shumë mund të jetë zëdhënës i atij projekti Vucician”.
Sipas tij, pengesë për integrimin në BE në vitin 2014 është kryeministri Rama, dhe jo Bullgaria, MV, apo BE, ndërsa nisëm “Open Balkan” e quajti “Jugosllavia e Re” duke e konsideruar një humbje kohe.
Ndër të tjera, ai shton se “Integrimi europian është një proces individual i vendeve aspiruese, ai varet vetëm nga plotësimi i standarteve nga secili prej nesh, pra nuk ka pse të fshihemi mbas njëri tjetrit.
Dhe për këtë qëllim ne na duhen projekte bashkëpunimi Rajonal të drejtuara e garantuara nga Brukseli e vendet anëtare, si CEFTA a Procesi i Berlint, dhe jo të tilla okulte me promotor e garant Vucic, që në fakt ka firmosur për atë Unionin rus”.
