Një aksident i rëndë është shënuar pak momente më parë në fshatin Nartë të Vlorës. Lidhur me ngjarjen e rëndë bëhet me dije se një mjet tip “Benz” është përplasur me shtyllën.
Gjithashtu, informacione bëjnë me diej se në brendësi të tij kanë qenë 5 veta së bashku me shoferin, mes tyre dy fëmijë 13-vjeçar.
Nga aksidenti kanë mbetur 6 persona të plagosur mes tyre 4 në gjendje te rëndë. Të lënduarit janë transportuar me tre ambulanca në drejtim të spitalit të Vlorës.
Mësohet po ashtu se drejtuesi i mjetit ishte në gjendje të dehur. Pritet që ky i fundit të merret në pyetje nga policia në mënyrë që të zbulohen rrethanat e aksidentit.
“Rreth orës 17:20, në rrugën e fshatit Nartë, shtetasi S. D., 54 vjeç, duke drejtuar automjetin (taksi), dyshohet se ka humbur kontrollin dhe si pasojë automjeti ka dalë nga rruga. Si pasojë e aksidentit kanë mbetur të dëmtuar drejtuesi i automjetit dhe pasagjerët, shtetasit M. D., 45 vjeçe, L. P., 76 vjeç, E. P., 63 vjeçe dhe 2 fëmijë të moshave 7 dhe 15 vjeç, të cilët ndodhen në spitalin e Vlorës, nën kujdesin e mjekëve.”
Ndërkohë policia dhe grupi hetimor është në vendngjarje dhe po punojnë për zbardhjen dhe shkaqet e aksidentit.
Discussion about this post