Benzema nuk ndalet as në derbin e Madridit, mban në ‘peshë’ Realin

Java e 17-të e La Ligës spanjolle rezervoi derbin madrilen, ku në Santiago Bernabeu, Real Madrid priti Atletiko Madridin.

Kjo ndeshje u fitua nga galaktikët me rezultatin 2-0, ku skuadra e Diego Simeones ishte e pashpresë të bënte ndryshimin.

Benzema e zhbllokoi këtë sfidë në minutën e 16’ duke shënuar një gol fantastic nga jashtë zonë. Një top i dhuruar nga Vinicius, nuk u lejua të prekë token nga Benzema, i cili i dërgon në rrjetën e Oblak, me madrilenët që u mjaftuan me kaq në këtë pjesë të parë.

Asensio do të mendonte të dyfishonte shifrat në minutën e 57’, ndërsa Atletiko Madrid nuk mundi të bëjë asgje për të ndryshuar fatin e takimit.

Pas javës së 17-të Real Madridi vazhdon të jetë lider me 42 pikë në La Ligën spanjolle, ndërsa Atletico është në të katërtin me 29 pikë.