E gjithë vëmendja ditën e djeshme në Champions League, ishte në përballjen mes Real Madrid dhe Shakhtar Donetsk, takim ky i fituar nga madrilenët me rezultatin e ngushtë 2-1.
Goli i parë që zhbllokoi këtë takim u shënua nga Benzema, falë asistit të Vinicius Junior, por ajo çfarë e bëri të magjishëm ketë moment, ishte fakti se ky gol shënoi edhe rrjetën e 1000 që klubi ‘Los Blancos’ realizon në Champions League.
Francezi ka komentuar pas këtij suksesi, ku u shpreh: “Ishte një ndeshje e vështirë për ne. E dinim se na priste një përballje e ndërlikuar, pasi dhe kundërshtari ka një nivel mjaft të mirë. Në fund kemi vuajtur, por ia kemi dalë t’i marrim tri pikët. Ndonjëherë fitohet edhe shëmtuar”
“Kam marrë një goditje në kavilje. Kam ndier pak dhembje, ndaj kërkova zëvendësimin. Mendoj se nuk do të kem ndonjë problem për të qenë gati për takimin e së shtunës në kampionat”
“Është normale që tifozët na kërkojnë të luajmë mirë, të sulmojmë gjithnjë e të shënojmë sa më shumë gola. Ne bëjmë të pamundurën në çdo takim, por jo gjithnjë ia dalim. Mos harroni se kishim përballë një rival shumë të forte,” mbylli Benzema
Discussion about this post