Karim Benzema është një ndër sulmuesit më të mirë të momentit në qarkullim. Francezi ka shënuar një numër të lartë golash me Real Madrid dhe kombëtaren e Francës. Përtej momentit të mirë që po kalon bomber do të duhet të përballet me drejtësinë në vendlindje teksa të mërkurën do të dalë në gjyq për shkak të skandalit me Valbuenën në vitin 2015.
Në atë vit Benzema së bashku me disa shokë të tjerë kishin tentuar të shantazhonin futbollistin i cili bëri publik rastin dhe e denoncoi rastin në polici. Nëse pretendimet e ngritura nga Valbuena do të vërtetohen, Benzema rrezikon deri në pesë vite burg. Kjo ngjarje i shkaktoi sulmuesit përjashtimin nga kombëtarja e Francës për plot gjashtë vite.
