Boksieri Alban Beqiri nuk ndalet në Kampionatin Botëror të boksit që po zhvillohet në Beograd të Serbisë. Edhe pse u prit me ofendime dhe vërshillime për shkak të kombësisë shqiptare, Beqiri nuk është ndikuar aspak nga kjo klimë anti sportive madje e ka përdoruar në favorin e tij duke u motivuar dyfish për duelet respektive. Pas mposhti kenianin Manian, Beqiri eliminoi më pas lituanezin Saimonas Banis duke dominuar totalisht përballjen dhe fituar me vendim unanim të gjyqtarëve me rezultatin 5-0.
Beqiri nuk u ndal me kaq pasi pak minuta më parë ka fituar duelin e radhës në Beograd ndaj panamezit Eduardo Beckford. Për Beqirin kjo ishte fitorja e tretë radhazi në harkun kohorë të pak ditëve në Kampionatin Botëror që po zhvillohet në Serbi. Një performancë brilante e boksierit shqiptar që kërkon maksimumin dhe një medalje botërore.
