Një 20-vjeçar ka rënë në prangat e policisë pasi ka tentuar të vrasë me thikë babain e tij pas një konflikti me njëri-tjetrin. Mësohet se bëhet fjalë për Emrah Liço 20 vjeç, banues në Berat.
Sipas njoftimit, i riu ishte shpallur në kërkim pasi në datën 15.04.2022, ka bërë kallëzim babai i tij, se gjatë një konflikti, 20-vjeçari ka tentuar ta godasë me mjet të mprehtë (thikë), si dhe i ka vjedhur disa orendi shtëpiake.
Më herët, Liço ka qenë i dënuar për veprën penale “Vjedhja”. Materialet hetimore janë referuar në Prokurorinë pranë Gjykatës së Rrethit Gjyqësor Berat, për veprime të mëtejshme.
Discussion about this post