Një ngjarje e rëndë ka ndodhur paraditen e sotme në qytetin e Beratit. Shtetasi Luan Hysi, teksa priste që të merrte ilaçet e tij në poliklinikë, ka ndërruar jetë.
Mësohet se, 65-vjeçari ishte në radhë për të pritur vizitën e tij e më pas të merrte ilaçet e të shkonte në banesë.
Ngjarja e trishtë ka ndodhur brenda ambienteve të poliklinikës, ku siç shihet nga fotoja, stafi i spitalit e ka vendosur trupin e pajetë të të moshuarit në një stol dhe sipër i kanë vendosur një çarçaf të bardhë.
Mësohet se, i ndjeri kishte shkuar dhe ditën e djeshme për të marrë kurën e tij, por pa mundur dot për shkak të burokracirave.
