Skuadra e Vllaznisë sfidon Dinamos këtë të hënë në ndeshjen përmbyllëse të javës së 5 të kampionatit shqiptar. Trajneri i ekipit Shkodran, Tomas Bërdariç analizoi vigjiljen e kësaj përballje dhe theksoi se është i bindur tek suksesi.
“E dimë që në çdo ndeshje duhet të japim më të mirën që të fitojmë ndeshjet, duam të luajmë fortë nesër para tifozëve me Dinamon që të jemi më se gati për këtë sfidë të rëndësishme.
Do të ndikojnë, do të na duhet të bëjmë zëvendësime por nuk është kategori e dytë lojtarët kemi më shumë se 11 lojtarë në skuadër, dhe çdo kush do të marrë kohën e vet, lojtarët duhet të shfrytëzojnë minutat.
Duam t’ia shkaktojmë humbjen e parë Dinamos, mendoj se ekipet janë të balancuara dhe do të mundohemi të jemi në ditë të mirë për të treguar punën që kemi bërë gjatë gjithë javës”, theksoi trajneri i skuadrës së Vllaznisë, Tomas Bërdariç.
