Trajneri i skuadrës së Vllaznisë, Tomas Bërdariç ka ngritur sërish zërin për kushtet sportive në Shqipërisë duke theksuar se ekipet përballen me vështirësi shumë të larta. Këto deklarata trajneri i bëri në vigjilje të ndeshjes me Laçin, skuadër që e vlerësoi maksimalisht.
“Çdokush ka një sfidë të vështirë për t’u stërvitur dhe për të luajtur në kushte të vështira që gjenden në Shqipëri. Në ndeshjen e Kukësit me Tiranën disa detaje të vogla bënë diferencën dhe këtë duhet ta kemi parasysh edhe ne.
Të gjithë lojtarët janë gati, kam vlerësim për stafin, përgatitësit. I kemi lojtarët e shëndetshëm, Victor Da Silva është kthyer dhe kemi mundësi për të zgjedhur lojtarët.
Për mua është e rëndësishme të kemi konfidencë, duhet të tregojmë se jemi një ekip dhe kështu mund të fitojmë. Duhet të japim më shumë se maksimumin për të treguar dëshirën”, tha Bërdariç.
Discussion about this post