Berisha, akuza qeverisë: Mbrëmë në protestë janë arrestuar e keqtrajtuar të mitur

Në konferencën që po mban sot nga selia blu, Sali Berisha ka folur edhe për protestën që zhvilloi dje kundër ardhjes së Vuçiç në Tiranë. Ai ka akuzuar qeverinë se dërgoi në bulevard policë që të dhunonin dhe arrestuan të miturit. Sipas tij, dhjetëra të mitur janë shoqëruar në komisariatin Nr.2

“Këto ishin motivi i protestës tonë, pati jehonë botërore. Dënoj disa akte brutale të narkopolicisë, e cila ka arrestuar njerëz të pafajshëm. I ka keqtrajtuar adoleshentët në furgonat e makinës. Veçanërisht narkobandidët e komisariatit nr.2. Paralajmëroj narkopolicinë se revolucioni nuk do të tolerojë trajtimin çnjerëzor të pjesëmarrësve në protesta. Mbrëmë deri në 1 të natës janë mbajtur adoleshentë 15-vjeçarë por edhe burra të moshuar 84-vjeçar. I përshëndes dhe falënderoj shumë”, tha ai, ndërsa falënderoi mbështetësit që e shoqëruar në protestë.