Ka filluar mbledhja e Këshillit Kombëtar të Partisë Demokratike ku do të miratohen vendimet e marra nga Kryesia ditën e sotme. Kryesia vendosi ngritin e një grupi auditimi për financimet ruse në PD, i cili si qëllim bërjen e transparencës dhe tu përgjigjet akuzave që kanë ardhur për fondet e dyshimta ruse në adresë të PD-së.
Ish-kryeministri Sali Berisha e ka nisur mbledhjen e Këshillit Kombëtar duke akuzuar kryeministrin Edi Rama se merr vendime kundër interesit të vendit tonë.
Sipas Berishës, Rama me qëndrimet e tij ndërkombëtare, vërteton gjithmonë e më shumë se është “skllav” i Presidentit të Serbisë, Aleksandër Vuçiç. Berisha gjithashtu sjell në vëmendje një marrëveshje bashkëpunimi që Serbia dhe Rusia firmosën në OKB, për të cilën deklaroi se Rama nuk mbajti asnjë qëndrim.
Berisha: Duke besuar se vendosur si maskë, kërkesën publike ndaj Vuçiçit për njohjen e Kosovës, do mund ta përdorë për të mbuluar shërbimet e tij ndaj Beogradit, justifikimin e moszbatimit të sanksioneve nga Beogradi. Shndërrimit të Serbisë në një prapavijë të rëndësishme të Rusisë, defakto Rama mbron me Ballkanin e Hapur pikërisht këtë bosht, këtë politikë. Edi Rama shkelmon mbi gjakun e mijëra shqiptarëve vetëm në luftën e fundit. Çfarë je ti zotëri, që kërkon të arkivosh gjenocidin dhe krimet e luftës që ka kryer Serbia në Kosovë. Si mund ta bësh ti një gjë të tillë. Shpjegoja shqiptarëve. Janë 1500 fëmijë, të djegur të gjallë, të vrarë, të therur në luftën e fundit. Në cilin ligj ndërkombëtar është shkruar se gjenocidi të mos konsiderohen.
Vetëm në vasalitetin tënd ndaj Vuçiçit janë të shkruara. A nuk firmosi përpara fjalimit të Ramës në OKB, marrëveshjen e bashkëpunimit mes Moskës dhe Beogradit. A foli një fjalë të vetme Rama për këtë marrëveshje? Marrëveshje që i kërkojnë llogari dhe në Uashington. I kërkohen sanksione, ai firmos marrëveshje me bashkëpunimin. Çfarë duhet të bëjë ky më shumë ndaj shqiptarëve? A ka ndonjë hap që duhet të ndërmarrë ky për të vërtetuar skllavërinë e tij ndaj Vuçiçit. Ne jemi forcë politike e interesit kombëtar.
Duhet t’i themi të vërtetat popullit shqiptar dhe ua themi. E kuptoj se ka qytetarë që interpretojnë si të veçantë qëndrimet të Presidentit të Turqisë. Ato janë absolutisht në kundërshtim flagrant me miqësinë dhe bashkëpunimin që ka ekzistuar mes dy vendeve sovrane. I rikujtoj çdo shqiptari që kurrë nuk duhet të harrojë se për ne kombi është i pari dhe jemi shumë religjioz.
Discussion about this post