Ish-Kryeministri Sali Berisha i është rikthyer akuzave ndaj George Soros, ndërsa pasditen e sotme duke iu drejtuar mbështetësve në tubimin poshtë apartamentit ku ndodhet në arrest shtëpie, tha se Sorosi e shkatërroi sistemin e drejtësisë për ta vendosur në dorën e Edi Ramës.
Berisha ironizoi edhe Sokol Sadushin, kryetarin e Gjykatës së Lartë, duke e cilësuar si Komisar Sadushi, që kërcënon avoketërit nëse bëjnë rekurse për çështjet që mbrojnë.
“Dje lexoja nga 5200 të burgosur, 3200 janë në paraburgim.
Imagjinoni miq se ku janë të drejtat e njeriut në këtë vend. I marrin dhe i plasin në qeli sikur të mos ishin njerëz dhe i lënë pa proces gjyqësor sepse shkatërruan sistemin me Xhorxh Sorosin për të vendosur, për të shndërruan drejtësinë në degë ekzekutive.
Komisar Sokol Sadushi kërcënon dje avoketërit, mos sillni rekurse.
Në çdo vend të botës, edhe në diktatura, sistemi tre shkallësh i drejtësisë është garanci kushtetuese.
Por pasi krijuan Drejtësinë e Partisë, pasi krijuan drejtësinë si seksion të PS-së, tani nuk kanë më gjykatës, nuk kanë më prokurorë.
Mos harroni se 3 vjet më parë menduan se opozita shqiptare u ndry në banesën e harresës. Por gabuan. U ngritëm si Feniksi sepse kauza jone ishte dhe është e drejtë.
Përsëri menduan se duke vendosur në arrest shtëpie Sali Berishën, do i jepnin opozitës goditjen vendimtare.
Përsëri u ngritëm si Feniksi dhe kësaj here do ecim të sigurt drejt fitores.
Edi Rama, fundi yt po vjen.
Luftëtarët e lirisë, misionarët e shpresë, shqiptarët do fitojnë, kurse regjimi do përfundojë në kalendat e historisë”, tha Berisha.
Discussion about this post