Sali Berisha sërish ka sfiduar kryeministrin Rama, duke i kërkuar të përballen dhe të hapin sic tha ai defterët e shtetit dhe të shikojnë kush ka dhënë tendera për familjarët.
Sipas Berishës, Rama ka dhënë 100 tendera për baxhanakun e tij, ndërsa thjeshtra u shpreh ish-kryeministri ka shkatërruar të gjitha studiot e arkitektëve. Ndërsa për vëllain e kryeministrit, OIsi Ramën, Berisha tha se ka krijuar një dramë me call centerat.
“E kam ftuar dhe e ftoj, hajde këtu dil para qytetarëve. Ti ke familjar, unë kam familjar, ti marrim njëherë tefteret e shtetit të gjitha. Të dalë, çfarë tenderash kanë fituar familjarët e mi nga shteti dhe çfarë tenderash kanë fituar familjarët e tu. Me ligj familjarët tanë nuk mund të fitojnë tendera.
Ligji nuk e lejon. Ligji nuk e lejon pushtetarin të përdorë pushtetin e tij për ti dhënë tendera familjarit të vet. Që në atë moment është vjedhje, është përdorim i pushtetit për të pasuruar veten. Nuk del dot, sepse i nxjerr unë këtu të paktën 100 tendera për Armando Frangun, baxhanakun e tij, të paktën 100 ja nxjerr një e nga një. Ja këtu.
I nxjerr me dhjetëra tendera për thjeshtrën. Edhe ajo një vajzë e re, vajzë e mirë nuk them, por i shkatërroi të gjitha studiot e arkitektëve në Tiranë, sepse është lidhur me një kompani të huaj, kompania e huaj fiton tenderat, këtë e merr nënkontraktore dhe çdo projekt do të marrë bekimin e saj. Nuk del dot Edi Rama, nuk del dot sepse ka marrë përsipër të përdorë pushtetin për pasurimin e tij”, tha Berisha.
Discussion about this post