Kryetar i Partisë Demokratike, Sali Berisha iu drejtua sot SPAK, për t’u njohur me akuzën lidhur me privatizimin e kompleksit sportiv “Partizani”.
Në një prononcim për medie, Berisha tha se ndihet më i motivuar se kurrë për fitore.
“Ndjehem më i motivuar se kurrë për t’i dhënë përgjigje këtij zotërisë. Më i motivuar se kurrë për fitore dhe për të gjitha”, tha ai.
Hetimet e prokurorisë dhe akuzat ndaj tij i quajti të paqena dhe të montuara për qëllime politike.
“Sot unë po shkoj të marrë akuzën politike dhe të njihem me materialet që kanë manipuluar ose fshehur në kundërshtim me ligjin për të justifikuar aktin e tyre kriminal akuzën pa asnjë prove fakt apo dokument, por vetëm të diktuar nga Edi Rama”.
I pyetur se çfarë vendimi pret sot nga SPAK, Berisha tha se është një trillim fund e krye.
“Pres një vendim politik të Edi Ramës, i cili ka zgjedhur mënyrën atërore për të siguruar mandatin e katërt, por atë do ia djegim”.
Berisha tha se “Edi Rama nuk mund t’ia caktojë kurrë kandidatin as kryeministrin, as kryetarin e partisë kësaj partie (PD)”.
“Dua t’u kthejmë shqiptarëve votën e lirë, rotacionin e pushtetit, fitoren e opozitës”, tha ai.
Simpatizantë të ish-kryeministrit u mblodhën para Prokurorisë së Posaçme në mbështetje të kryedemokratit.
Discussion about this post