Berisha: Basha një gjobëvënës, mori vilat dhe nuk përmendi më Papulin

Ish-kryeministri Sali Berisha ka akuzuar Lulzim Bashën si gjobëvënës.

I ftuar në studion e emisionit “Open” në News24, Berisha u shpreh se Basha ka përmendur në parlament një nga ndërtuesit e kullave, pasi nuk i ka dhënë para. Sipas tij, pasi mori vilat, nuk e përmendi më.

Po ashtu, Berisha u shpreh se Basha është marrë i pandehur nga Prokuroria e Krimeve të Rënda dhe ja ka mbyllur dosjen Edi Rama.

“Basha është marrë i pandehur nga Prokuroria e Krimeve të Rënda dhe ja ka mbyllur dosjen Edi Rama sepse dosja duhet të kishte shkuar në Gjykatën e Lartë. Ky tani është i detyruar të hedhë vallen e Edi Ramës. A e din ti që i kishte vënë gjobë atij, i kishte kërkuar para, njëri nga pronarët e kullave dhe ai nuk i kishte dhene dhe prandaj ja kishte përmendur emrin. Sulmonte në parlament Papulin, kjo është gjobëvënie. I ka çuar edhe banditë nga prapa. Unë nuk e njoh, por Papuli më duket se është mik i Ramës. Ky e përmendte në parlament pastaj nuk e përmendi më se mori vilat”, tha Berisha.