Kreu i Partisë Demokratike, Sali Berisha u shpreh këtë të Hënë se ish-Ministrii i Punëve të Jashtme, Ditmir Bushati u shkarkua nga Edi Rama me urdhër të Erdogan.
Duke folur për marrëdhëniet Shqipëri- Turqi, dhe ato të kryeministrit Rama me Presidentin turk Erdogan, Berisha deklaroi se Bushati u shkarkua pas një kërkese nga Ankaraja.
“Po pse iku Dimtiri? Kush e shkarkoi? Sepse kërkuan ata”, tha Berisha.
Ai u shpreh se nëse Erdogan, e konsideron Shqipërinë si një provincë të ish-Perandorisë, kjo vetëm i prish marrëdhëniet.
“Kam qenë shumë serioz e kam punuar gjithë jetën për marrëdhënie shumë të mira me Turqinë. Edhe do punoj. Por kurrë që Ankaraja të trajtojë Shqipërinë si një provincë të saj”
“Si e ndieja veten unë sot para fëmijëve që iu mbylli kopshtin Edi Rama me turpin e tij? Nëse Erdogan nënkupton marrëdhëniet me Shqipërinë si me një provincë të dikurshme të ish-Perandorisë, kjo është vetëm dëmtim serioz i marrëdhënieve. Dhe unë deklaroj që PD nuk do ta pranojë kurrë një gjë të tillë dhe cënimin e sovranitetit”, u shpreh Berisha.
Discussion about this post