Ish-kryeministri Sali Berisha ka denoncuar sot qeverinë se nga fondi i krijuar për emergjencat sociale janë marrë 7 milionë euro për festa që i quajti “orgji socialie” dhe jo për t’iu ardhur në ndihmë qytetarëve.
“Çdo ditë del një skandal, është ndërhyrë në buxhetin e shtetit për të krijuar fondin e rezistencës sociale siç thotë por na del fondi i ahengjeve e orgjive sociale. A mund të imagjinoni që nga fondi i emergjencës, të merren 7 milionë euro vetëm për festa dhe ahengje të bashkisë dhe ministres së kulturës, pastaj na del fondi i ahengjeve e orgjive sociale Të tjerët marrin bukën me lista. E dënueshme me çdo ligj të vendit., Fondi i emergjencës përbëhet nga fondi i taksapaguesve që përdoret vetëm në emergjencë. Mund të ndodhë fatkeqësi natyrore. E dënojmë këtë akt të turpshëm të kësaj organizate kriminale që e implikuar që nga drejtori e deri te kryeministri janë në garë të vjedhin, të vjedhin e vetëm të vjedhin”, tha Berisha.
Nga ana tjetër, në një kohë kur Rama përmend afera korruptive si Gërdeci apo edhe 21 janari, ku akuzon ish-kryeministrin Berisha, ky i fundit thotë se afera më e madhe korruptive janë 24 viktimat që humbën jetën nga tërmeti në Thumanë. Berisha deklaroi se ajo që ndodhi në Thumanë si pasojë e tërmetit është një vrasje shtetërore, pasi me dokumente thuhej që ato shtëpi ishin të pabanuara.
Discussion about this post