Berisha dhe Alibeaj ankimuan vendimin e KQZ-së, caktohen relatorët

Mëngjesin e sotëm në  KQZ u mbajt shorti për zgjedhjen e relatorëve për të trajtuar ankimimin e dorëzuar nga PD e Berishës dhe ajo e Alibeajt.

Sali Berisha ankimoi vendimin e KQZ për të njohur Lulzim Bashën si kryetar të PD, ku relator është zgjedhur Ilir Rusmajli.

Ndërkohë për ankimimin  e Alibeajt e cila nuk njohu shkresën e Lulzim Bashës për të autorizuar regjistrimin e PD në zgjedhje, relator është caktuar Koli Bele.

Ndërsa relator i kërkesës së partisë “Lëvizja Bashke” është Elvis Çefa.

Njoftimi:

Përshëndetje! U hodh shorti për caktimin e relatorëve të kërkesave ankimore përkatesisht nr. 29, nr. 30 dhe nr.31.

Rezultatet e shortit përcaktuan:

1 – relator të kërkesës nr. 29 (Kërkesa e PD depozituar nga z. Sali Berisha), z. Ilirjan Rusmali;

2 – relator i kërkeses nr.30 (kërkesa e partisë “Lëvizja Bashke”, z. Elvis Çefa;

3 – Relator i kërkeses nr. 31 (kërkesa “Partia Demokratike e Shqipërise”, përfaqesuar nga z. Enkelejd Alibeja), z. Koli Bele.

Punë të mbarë!