“Berisha dhe Basha të mos rikandidojnë!” Alibeaj tregon kërkesat e deputetëve

Gjatë prezantimit të platformës për bashkimin e demokratëve, kreu i grupit parlamentar të PD, Enkelejd Alibeaj foli edhe në lidhje me propozimet e disa deputetëve për shtesa në të.

Alibeaj foli në lidhje me propozimet e Ferdinand Xhaferajt dhe Agron Gjekmarkajt për të ndaluar rikandidimin e Berishës dhe Bashës për drejtimin e partisë, por sipas tij kjo kërkesë u hodh poshtë pasi nuk u pranua nga shumica e deputetëve.

Po ashtu nuk është pranuar edhe shtesa e propozuar nga Alfred Rushaj dhe Fatjon Veizaj për caktimin e disa kritereve shtesë për procedurat e zgjedhjes së kryetarit të PD-së. Alibeaj tha po ashtu se kishte edhe kërkesa që të ndalohej pjesëmarrja e Berishës në Grupin Parlamentar të PD-së, e cila po ashtu nuk u pranua.