Këtë javë janë luajtur edhe ndeshjet çerekfinale të kompeticioneve europiane, teksa kemi mësuar edhe skuadrat të cilat kanë kaluar në gjysmëfinale të Champions dhe Europa League.
Institucioni më i madh i futbollit, UEFA pritet të vendosë sanksione ndaj këtyre sfidave, ku Manchester City, Atletico Madrid, Barcelona dhe Eintracht Frankfurt me gjumë gjasa nuk do i shpëtojnë UEFA-s/
Në përballjen mes Atletico Madrid dhe Manchester City ndodhi një incident pas ndeshjes në korridorin e stadiumit të skuadrës spanjolle ku, Stefan Savic dhe Jack Grealish ishin nismëtarët e sherrit, të cilët e vazhduan edhe pasi përfundoi takimi.
Në “Camp Nou” u zhvillua ndeshja e kthimit mes Barcelonës dhe Frankfurtit, ku ajo që mori vëmendjen ishte prania e lartë e tifozëve gjermanë, diçka që Barça të konsiderohej si mike në stadiumin e saj.
Skuadra gjermane duhet të kishte në dispozicion 5000 bileta, por në tempullin blaugrana ishin 30.000 tifozë të ekipit të Frankfurtit.
Sipas rregullores së UEFA-s, tifozët duhet të ndahen në mënyrë të përshtatshme në stadiume. Assesi të përzihen siç ndodhi në “Camp Nou”.Presidenti i UEFA-s, Aleksander Ceferin dhe ekipi i tij do të analizojnë se si ka ndodhur e gjithë kjo situatë, më pas do të marrin një vendim ndaj dy ekipeve.
Sipas gazetës prestigjioze “Marca”, të hënën apo të martën do të kuptohet se çfarë sanksionesh do të vendos UEFA ndaj katër ekipeve.
Discussion about this post