Ish-kryeministri Sali Berisha dhe zv.Kryeministrja Belinda Balluku u përplasën në sallën e Kuvendit pas fjalimit që ministrja e Bujqësisë, Frida Krifca mbajti, duke iu përgjigjur akuzave të opozitës për raportin e OLAF, në bazë të të cilit BE ka ndërprerë financimet për bujqësinë shqiptare, pas dyshimeve për koprrupsion.
Berisha tha se janë mbi 138 mln euro të shpërdoruara dhe vjedhura dhe këtë e thotë raporti. “Moj zonjë po diskutojmë për raportin e KLSH, del ministrja aty dhe na flet për çështje të tjera, por nuk jep shpjegime për atë që ia thotë raporti i BE-së. Keni vjedhur, keni abuzuar me fondet”, tha Berisha, ndërsa duke iu drejtuar Ballukut u shpreh “do kesh fatin e Arben Ahmetajt”.
Në replikë me ish-Kryeministrin Balluku tha se i ka mbijetuar sistemit të Enver Hoxhës. “Unë jam një nga të mbijetuarat e sistemit të Enver Hoxhës, ndaj nuk me trembnmi dot. Nëse ke prova e fakte çoji në SPAK, por kam frikë se ti nuk i afrohesh dot Prokurorisë Speciale”, tha Balluku.
Replikat
Sali Berisha: Ajo zonja tejkaloi çdo lloj limiti. Abuzim i tmerrshëm me qiratë e pasurive publike, bashkë me Ministrinë e Mbrojtjes, janë 180 mln euro shpërdorime dhe del flet këtu në këtë mënyrë. Ke lexuar raporte apo jo?
Belinda Balluku: Qiratë me 1 euro i ke shpikur t’i me nismën Shqipëria një euro, madje i vure Shqipërisë një tabelë një euro. Ndaj mos eja këtu të flasësh këtu për këtë. Unë i kam mbijetuar shefit tënd dhe t’i për mua je një biskotë e butë. Nëse t’i ke akuza çojini atje ku duhet ti dërgoni. Drejtohu SPAK-ut por kam frikë se t’i nuk i drejtohesh dot SPAK.
Sali Berisha: E di përse reagoi kjo për Frida Gugalen, reagoi sepse vetë është kryegugale. Kjo është ministrja që ndan ndërtimet për të vjedhur në çdo km. Është ministrja që ndërton me 22-24 mln euro rrugën. Të jesh e bindur ti që fatin e Arben Ahmetaj do të kesh dhe bërë mirë që erdhe për të mbrojtur Ramën por ju jeni të pa mbrojtur. Ministrja ka abuzuar me fondet të faktuara dhe ngrihet Balluku dhe e mbron por ty të djeg sepse edhe ti mund të jesh e implikuar. Ka ardhur një raport në parlament, raporti flet për 138 miliardë lekë dëm ekonomik dhe shpërdorime.
Discussion about this post