Nga takimi me demokratët në Vlorë, ish-kryeministri Sali Berisha ka përsëritur edhe njëherë se nuk kishte ndërmend që të rikthehej në krye të Partisë Demokratike. Në fjalën e tij, Berisha tha se rrethanat në të cilat gjendej PD-ja do ta kishin zgjuar edhe nga varri, duke elektrizuar turmën.
“Unë kam kërkuar ndjesë ju dhe iu garantoj se në qëndrimin tim nuk ka pasur asnjë lloj shkaku tjetër veç të një vendimi të largimit tim pa kthim. Nëse unë do të shikoja të kthehesha. Do të vija me projekt. Kisha vendosur mos të kthehesha kurrë. Po rrethana të tilla të zgjojnë dhe nga varri po të jesh. Me shumë të drejtë secili mund të pyesë; doktori e ka për vete këtë? Unë ju them jo dhe do ta argumentoj shumë shkurt. Në 19 maj, në mënyrën më politike, më hakmarrëse unë shpallem “non grata”. Pa më pas akuzuar kush kurrë, edhe kundërshtari im e thoshte kur bënte fushatë,”- tha Berisha.
Berisha akuzoi sërish Bashën për humbjet e PD dhe e quajti të marrë peng nga Rama që ka asgjësuar pluralizmin në vend. Ai lëshoi ‘kushtrimin’ në këmbë të gjithë për mbrojtjen e pluralizmit dhe demokracisë.
