Kreu i opozitës, Sali Berisha në prezantimin e librit me denoncimet e opozitës për zgjedhjet e 14 majit, ndërsa e cilësoi atë ‘libri i zi’.
Gjatë fjalës së tij Berisha tha se strategjia dhe parimi i Ramës është ‘hëngshi kokat e njëri-tjetrit’.
Mes të tjerash Berisha, ka ngritur akuza se biznesmeni Pëllumb Gjoka, i arrestuar gjatë operacionit “Metamorfoza” për lidhje me krimin, donte të emëronte kreun e SPAK-ut.
“Strategjia e Ramës ‘hëngshin kokën e njëri-tjetrit’ është bërë strategji e shtetit. Pëllumb Gjoka i thotë Behar Bajrit: pyete drejtorin se pse më arrestoi mua djalin e xhaxhait? Kush e nxiti, e kishte fjalën për grupet. Pyete se kush e nxiti. Ai tha: do ta pyes, do ta fus në borxh të rëndë.
Po nëse kthehemi te direktiva e atij që është kryeministër që thotë: ‘kokat t’i hanë njëri-tjetrin’, ai po krijon mundësi që të hanë vërtetë njëri-tjetrin.
Pëllumb Gjoka ishte mik për kokë i Edi Ramës. Ai po emëronte kreun e SPAK. Kondili, që dërgoi dosjen e Bajrave në Shkodër bashkë me një tjetër, shpalli se këta nuk janë organizatë kriminale. Sa mori Kondili e dinë kazinotë e Pëllumb Gjokës. Kondili, të cilit bodyguardi i Pëllumb Gjokës i rrinte mbrapa në kazino për t’i dhënë topat me euro, do na dilte nga Rama edhe kryetar i SPAK. Sa mori Kondili? Sa donin kazinotë e Pëllumb Gjokës”, tha Berisha.
Discussion about this post