Kryedemokrati Sali Berisha, duke folur për seancën gjyqësore që po mbahet ndaj tij, ku kërkohet arrest shtëpie nën mbikqyrje policore, u shpreh se jo policë, por as dy batalione të vënë , ai nuk do të tërhiqet.
Në konferencë me gazetarët, Berisha u shpreh se Rama me këto që po bën mendon se do të zgjasë pushtetin, por do të ndodhë e kundërta, theksoi ish kryeministri.
Me ironi, Berisha u shpreh se “jo policë të vendosin në pallat, por edhe sikur dy batalione, unë nuk kam asnjë impresion”. Ai i kujtoi Ramës së është i pashpresë dhe frikacak.
“Kjo është kërkesë e Edi Ramës, mos i ngatërroni gjerat. Ky është proces politik, kjo është kërkesë e Ramës në qëndrimet e tij antikushtetuese, e diktuar nga tmerri dhe frika se opozita e drejtuar nga Sali Berisha do ta krrente atë si një kalbësirë nga pushtet. Nuk ka asgjë tjetër në këtë mes, nuk ka asnjë çudi. Ky është një ansambël i kontrolluar nga Rama, i cili mendon se në këtë mënyrë do të zgjasë pushtetin e tij. Në fakt do ndodhë e kundërta. Ju garanton se PD nuk do ta ndalojë asgjë në mosbindjen e saj civile dhe vendosmërisë për të përmbysur këtë regjim të bazuar në drogën krimin.
Një gjë dua tu them sot mbarë qytetarëve. Sali Berisha nuk është rikthyer kurrë për një interes më të vogël personal. Absolutisht jo, vetëm për të bërë Shqipërinë me një opozitë të vërtetë. Është rikthyer me objektivin e dyfishtë, një opozitë e vërtetë dhe fitoren e saj.
Më mirë se kushdo tjetër këtë e kuptoi Edi Rama dhe vrapoi si frikacak, Jo dy policë të vërë, por dy batalione, unë nuk kam asnjë impresion. Pra tregon vetëm tmerrin që ka nga Berisha. I them Edvin je i pashpresë. Çfarëdo akti që të ndërmarrësh, Sali Berisha asgjë në botë nuk mund ta pengojë pa realizimin e qëllimit të tij, largimin tënd nga pushteti. Kjo do ndodhë”, u shpreh ai.
Discussion about this post