Kreu demokrat, Sali Berisha u pyet ditën e sotme në konferencën me gazetarët në lidhje me humbjen e thellë që kandidati i tij pësoi në Shkodër.
Ai u shpreh se Shkodra votoi nën një pushtim të vërtetë dhe shtoi se të gjitha sondazhet e nxirrnin Bardh Spahinë shumë përpara Benet Becit.
“Shkodra votoi nën pushtim të vërtetë. Të gjitha pollet e kundërshtarëve tani, por dhe tonat e nxirrnin Bardh Spahinë 14 ose 16 pikë përpara. Nëse t’i mendon se Sali Berisha tërhiqet përpara krimit, ai sheh veshin e tij pa pasqyrë. Kurrë, unë nuk tërhiqem përpara bandave të krimit shtetëror dhe jo shtetëror. Shkodra është shembulli më i shëmtuar ku u votua nënë rrethim nga bandit e Edi Ramës. Në Shkodër u përdorën dhjetëra milionë euro. Jam I bindur se qytetarët e Shkodrës nuk do ta pranojnë pushtetin e krimi”, tha Berisha.
Shkodra është shembulli më i shëmtuar me të cilin u votua si në rrethim nga banda të Edi Ramës. Në Shkodër u përdorën sasi kolosale, dhjetëra milionë euro dhe unë jam i bindur se qytetarët e Shkodrës, zgjedhën e krimit dhe pushtetin e krimit nuk do ta pranojnë”, tha Berisha.
Ai tha se nuk do të heqin dorë dhe do i përgjigjen në mënyrë më të fuqishme asaj që ai e cilësoi shëmtia më e madhe elektorale.
“Blerja e votës ishte një akt masiv dhe i shëmtuar. Mungesa e komisionerëve dhe numëruesve të opozitës së vërtetë të koalicionit Bashkë Fitojmë që kishte 61 kandidatë ishte një akt tjetër i pabarazisë së madhe. Dhuna, terrori ndaj eksponentëve të opozitës është përdorur gjer në pengmarrje të tyre. Të gjitha këto janë dy konkluzione kryesore.
I pyetur nga gazetarët se a do e njohë rezultatin e zgjedhjeve, Berisha tha se këto zgjedhje ishin procesi më i shëmtuar në histori, ku qytetarët votuan nën presione. Berisha theksoi se në bazë të kësaj koalicioni “Bashkë Fitojmë” do marrë të gjitha vendimet.
“Unë po flas qartë. Procesi më i shëmtuar në histori. Proces në të cilit qytetarët nuk votuan të lirë, por nën presione. Në bazë të kësaj partia dhe koalicioni do marrë të gjitha vendimet”-tha Berisha.
Discussion about this post