Kreu i Partisë Demokratike, Sali Berisha ka reaguar pas arrestimit të biznesmenit Embro Sulejmani, i cili u arrestua ditën e sotme në kuadër të operacionit të Prokurorisë së Posaçme Antikorrupsion (SPAK) për hetimet e AKSHI-t.
Në konferencën për mediat, Berisha e cilësoi Sulejmanin si një figurë kyçe të krimit, duke shtuar se ai ishte menaxher i biznesit “Kodra e Kuajve, ku sipas tij, mblidheshin kriminelët për qëllimet elektorale të PS-së.
Po ashtu, Berisha akuzoi se Sulelmani menaxhonte edhe klubin qeveritar në Durrës, ku sipas tij, është takuar Edi Rama me Ergys Agasin.
“U arrestua edhe Embro Sulejmani, figurë kyçe e krimit. Ju kujtohen denoncimet e mia për Kodrën e Kuajve, ku mblidheshin kriminelët Suel Çela, Elvis Doçi, Vangjus Dako, Ergys Agasi çdo dy tre net për qëllime elektorale të PS. Menaxheri i lokalit të Kodrës së Kuajve ka qenë Embro Sulejmani.
Por ka qenë edhe menaxheri i klubit qeveritar ku Rama me Agasin takoheshin publikisht në Durrës. Fatjon Kalluçi…imagjinoni ekspertizat e tyre, ku drejtori i laboratorit ishte bashkëpunëtor krimi dhe anëtar organizate. Për të gjitha këto i kërkoj Edi Ramës dorëheqjen e menjëhershme. “, tha Berisha.
Discussion about this post