Berisha: Kongresi i SHBA të hetojë lidhjet e Soros me Shqipërinë, u shfaq si padron…

Ish-Kryeministri Sali Berisha i ka drejtuar një tjetër thirrje Kongresit amerikan që të hetojë lidhjet e Alex Soros me Shqipërinë. E ndërsa një ditë më parë i bëri thirrje Kongresit që të ndalojë me ligj veprimtarinë e Soros në Europë dhe Ballkan, Berisha u shpreh sot se mandati i Aleksis Soros buron vetëm nga korrupsioni.

Referuar dy takimeve që u mbajtën në Tiranë, brenda 24 orëve të fundit, i pari për Ukrahinën dhe tjetri për raportet mes Ballkanit Perëndimor dhe BE, Berisha u shpreh se Aleks Soros u shfaq si padron i vërtetë i tyre, superministri i jashtëm i Ballkanit Perëndimor.

Dhe në këtë kuadër, Berisha shtroi pyetjen: cili është mandati i Aleksis Soros, që qëndron si padron i samiteve të rajonit?

“Çfarë përfaqëson mandati i tij? SHBA? Jo dhe jo? SHBA përfaqësohen nga qeveria e këtij vendi.

Ndonjë qeveri evropiane? Jo dhe jo. Ata kanë përfaqësuesit e tyre?

Ndonjë organizatë ndërkombëtare? Asnjë prej tyre. Ata kanë mënyrën e tyre të ndërtimit dhe të përfaqësimit.

Më thoni atëherë, a patë ju aty ndonjë tjetër njeri që nuk përfaqëson mandat përveç atij?

Asnjë.

Atëherë nga vjen mandati i tij? Qytetare dhe qyetarë shqiptarë, mandati i tij vjen nga korrupsioni, vjen nga korrupsioni, vjen nga korrupsioni.

Aleksis Soros dhe i ati i tij janë promotorë kryesorë të korrupsionit politik, që blejnë politikanë me qese parash.

Thirrja ime për Kongresin e SHBA, të hetojë lidhjet e tij me Shqipërinë për të kuptuar se çfarë përfaqëson Aleksis Soros.

Thirrja ime për Parlamentin Europian, për Komisionin Europian, të hetojë lidhjet e tij me Shqipërinë dhe rajonin.

Nga buron mandati i tij? Si ka mundësi?

Pse i shtroj unë këto? I shtroj këto se pa një mandat ai nuk mund të jetë kurrë në një samit.

I shtroj se ai është faktuar një mbështetës pa kushte i Edi Ramës.

I shtroj këto se lidhjet e tij me Shqipërinë flitet se janë nga më të pistat në botë.

Sepse demokracia në këtë vend po vuan për shkak të mbrojtjes së i bën brenda në Shqipëri dhe jashtë Edi Ramës, Erion Veliajt dhe organizatës së tyre kriminale”, tha Berisha.