Ish-kryeministri, Sali Berisha gjatë mbledhjes së Kryesisë së Partisë Demokratike, theksoi se partia ka nisur një analizë të plotë për funksionalitetin e saj, gjatë fushatës elektorale.
Unë i garantoj se investimi i tyre ka dhe do të ketë, vlerësimin më të madh të PD. Rezultati i punës dhe i mundit të tyre, nuk është pa fryt. Atë çka u arrit, u arrit për shkak të angazhimit të tyre. Kjo nuk do të thotë se ky angazhim ishte i njëtrajtshëm, kjo nuk do të thotë se nuk pati gabime, defekte dhe të meta në makinerinë tonë elektorale. Çelim siparin e një analize të thellë të procesit zgjedhor.
Grupi i punës i ngarkuar për hartimin e raportit të procesit zgjedhor me në krye zotin Bylykbashi, zonjën Albana Vokshi, Ivi Kaso, Gent Strazimiri etj., mund të them se kanë bërë një punë serioze.
Në raportin mbi 600 faqe është dokumentuar me fakte e gjithë farsa zgjedhore të 14 majit. Ky ishte detyrim madhor i yni.
Forca jonë politike i detyrohej çdo qytetari shqiptar që beson në zgjedhje të lira, çdo demokrati që investoi në këtë proces zgjedhor.
Ky raport që është dërguar në institucionet ndërkombëtare, do iu dorëzohet të gjitha kancelarive perëndimorë, mediave në Shqipëri dhe në botë.
Është raporti i dramës së një kombi që ia kanë shndërruar në fiktive, të drejtën e votimit”, u shpreh Sali Berisha.
Discussion about this post