Kryedemokrati Sali Berisha duke folur për procesin e zgjedhjeve, të cilën, sikurse edhe herët e tjera, e cilësoi si një farsë elektorale, është ndalur edhe në rolin e ish-kryetarit të Partisë Demokratike Lulzim Basha.
Ai u shpreh se me ndihmën e Bashës kryeministri Edi Rama vendosi monizmin në vend duke e përdorur si një vegël të shpifur, pasi e shtrydhi si një limon
“Ne jemi angazhuar në këtë proces që t’i dëshmojmë demokratëve me fakte, dokumente se nuk ishin zgjedhje, por farsë elektorale.
Qëllimi është të krijojmë vetëdije të bazuar tek qytetarët, dhe makinerinë e frikës dhe terrorit. Qeveri që shkel ccdo parim të kodit zgjedhor dhe kodit të Venecias, kjo qeveri nuk dorëzon pushtetin sepse lë pas shkelur ligj.
Ne do kishim përgjegjësi nëse do heshtnim apo nuk do ngrimini shqiptarët në një betejë për zgjedhje të lirë, ne nuk mund të ndalojmë mbledhjen e ministrave për të shpërndajë zarfe për pensionistët, nuk ndalojmë dot të shpallë rritjen e rrogave në mes të fushatës.
Çfarëdo që të bëjë opozita nuk ndalon dot zyrat e errëta. Nëse ju më keni ndjekur sigurisht, në të gjithë këtë dramë shqiptare, s’them se opozita nuk ka përgjegjësi, por nëse e vendosi monizmin Rama, e vendosi me Lulzim Bashën.
Po e përdor si limon të shtrydhur, si vegël të shpifur. Rama realizoi gjithçka përmes pengmarrjes së Bashës, dhe unë do ju them këtu; mos u çudisni se ai mbase do të braktiste dhe zgjedhjet e 25 prillit, Rama e kishte nën kontroll të plot përmes dosjes. Kapërdija nga opozita e farsës elektorale të 2021-shit, solli superfarsën e 14 majit”, tha Berisha.
Discussion about this post