Gazetari Baton Haxhiu u shpreh mbrëmjen e sotme në Syri Tv se masa e sigurisë “arrest shtëpie” ndaj ish-Kryeministrit Sali Berisha, pa një akuzë konkrete është i padrejtë.
Haxhiu shprehet kundër heqjes së drejtës së fjalës ndaj kreut të Opozitës. Sipas tij qeveria shqiptare po vepron kundër rregullave të një shteti demokratik.
“E kam provuar disa herë këtë se çfarë është të burgosesh në fjalën e lirë. Absolutisht nuk jam dakort. Fjala e lirë në asnjë mënyrë, në asnjë rrethanë nuk guxon të preket, përveç nëse ka shkelje të rënda publike.
Nëse SPAK krijon kështu kriteresh, për të burgosur fjalën e lirë do më shihni, këtu jam. Do jem njeri i parë që ose do demostroj ose do flas publikisht dhe nuk do ndalem.
Unë nuk mendoj se Berisha është brenda këtij hetimi. Nuk besoj që në një vend demokratik dikush është nën hetim të jetë nën arrest shtëpiak” u shpreh Haxhiu.
Discussion about this post