Prej 30 dhjetorit 2023, ish-Kryeministri dhe kreu demokrat, Sali Berisha, ndodhet në arrest shtëpie, bazuar në një vendim të marrë nga gjyqtarja e GJKKO-së, Irena Gjoka. Deputeti Berisha ndodhet nën hetim lidhur me privatizimin e ish-kompleksit Partizani, ndërsa GJKKO ka refuzuar ndryshimin e masës së sigurisë apo dhënien e lejes për të marrë pjesë në seancat plenare.
Duket se e gjithë skema që po aplikohet ndaj kreut demokrat lidhet me faktin që ai të mos lejohet të marrë pjesë për 6 muaj në punimet e Kuvendit, duke humbur kështu mandatin e deputetit, edhe pse avokatët e Berishës kanë paralajmëruar se do të ndjekin çështjen në rrugë ligjore deri në Strasburg.
Së fundmi, Kryetarja e Kuvendit, Lindita Nikolla, ka vendosur që ndaj deputetit Berisha të aplikojë “sanksione” duke i ndalur pagesat që përfitojnë deputetët për karburantin dhe telefonin. Të paktën kjo thuhet në një vendim të marrë nga administrata e Kuvendit.
“Referuar statusit të deputetët dhe vendimi nr. 114/2014 “Për mënyrën e trajtimit të deputetëve”, të ndryshuar deputeti Sali Berisha nuk i paguhen përfitimet si karburanti dhe telefoni për shkak të masës së sigurimit personal të vendosur nga Gjykata e Posaçme e Shkallës së Parë për Korrupsionin dhe Krimin e Organizuar, me vendim nr. 520 datë 30.12.2023”, thuhet ndër të tjera në vendim
Discussion about this post