Kreu i grupit parlamentar i Partisë Socialiste, Taulant Balla, ka komentuar pjesëmarrjen e Sali Berishës sot në Kuvend. Nga foltorja e Parlamentit ai tha se një deputet që është shpallur ‘non grata’ nuk duhet të ishte i pranishëm aty. Balla kujtoi dhe tragjedinë e Gërdecit duke thënë se shqiptarët e dinë mirë se si janë shitur fishekët që shkaktuan ngjarjen e rëndë.
“I vetmi deputet non -grata në këtë sallë nga aleati strategjik të mos ishte më në këtë sallë. Sa i përket çështjes së fishekëve “gjuha shkon ku dhemb dhembi” dhe bota e ka parë filmin “Qentë e luftës” dhe ne shqiptarët e dimë si u shitën fishekët që shkaktuan tragjedinë e Gërdecit por falë drejtësisë së re e cila po shfaq angazhimin për ta hetuar, uroj të gjenden pronarët e vërtetë të asaj fabrike vdekje në Gërdec dhe si u shpërdoruan në gjithë këto vite asetet e mbrojtjes së këtij vendi dhe armatimin që u përdor për trafik kontrabandë e gjithçka tjetër. Asnjë prej nesh s’ka kohë të merret me non- grata e këtij Kuvendi e të njëjtën gjë do bëj edhe unë”, tha Balla. Ndërsa Berisha në fjalën e tij në Kuvend hodhi një sërë akuzash ndaj qeverisë dhe kryeparlamentares, duke thënë se po i cenojnë të drejtën e fjalës.
Discussion about this post