Ditën e sotme, ish-kryeministri Sali Berisha po zhvillon një takim me demokratët në Lezhë, në kuadër të fushatës elektorale për zgjedhjen e kreut të PD. As këtë herë ai nuk i ka ndalur sulmet ndaj ambasadores amerikane, duke thënë se demokratët ja dolën edhe pse kishin kundër Yuri Kim, qeverinë dhe Sorosin. Në fjalën e tij Berisha tha se lëvizja e demokratëve e nisur në gjysmën e dytë të vitit të kaluar, rikthyen në Shqipëri opozitën e vërtetë.
“Ju jeni në një mision fisnik, ndoshta edhe më të madhin e jetës tuaj. Në vitin 90-të, ne e përmbysëm komunizmin bashkërisht, dhe ai ishte një mision historik, por ishte dhe një destinacion historik, kurse në gjysmën e dytë të vitit 21 dhe deri sot, ne ringjallëm i rikthyem vendin opozitën e vërtetë, i rikthyem pluralizmin, rikthyem në jetë ashtu siç duhet të ishte si forcë politike opozita Partinë demokratike. Në këtë rrugë ne kishim vështirësi të jashtëzakonshme, dhe forca e vetme që ne kishim ishte forcova e idealeve tona.
Ne kishim kundër një qeveri që nuk ka ligj as moral se në një vend demokrat kurrë një qeveri nuk mendon të marrë peng opozitën. Ne kishim kundër një pseudoopozitë e cila shërbehej në të gjitha mënyrat nga qeveria. Fatkeqësisht ne kishim kundër, ndoshta mafien më të rrezikshme ndërkombëtare atë të Xhorxh Sorosit, censura, kërcënime nga më të shumtat u bënë ndaj jush. Dështuan deklarata e përsëritura të guvernatores, e cila jashtë çdo lloj parimi, në çdo hap të rëndësishëm që bënin do të bënte një deklaratë për tu dekurajuar ju”, tha Berisha. Ndërsa shtoi që, në të gjitha këto kushte arritën në një betejë epike, demokratike kundër autokracisë.
Discussion about this post