“Foltorja” e ish-kryeministrit, Sali Berisha, është ndalur sot në qytetin e Lushnjes Takimi i Berishës me demokratët po bëhet në Kinoteatrin “Vaçe Zela”, nga ku Berisha ka nisur fjalimin e tij me një sëre deklaratash kundër kryeministrit Edi Rama. Ai u shpreh se qytetarët nuk do ta pranojnë më diktaturën e krimit dhe korrupsionit, siç e quajti qeverinë “Rama”, ndërsa u shpreh i sigurt se shumë shpejt kjo qeveri do të përmbyset.
“Foltorja do ta kthejë PD-në në një forcë vigane të lirisë, demokracisë dhe fitores. Kohërat janë kritike. Ju po hapin një faqe të re në historinë e demokracisë. Sistemet demokratike janë delikate. Historia që ato kanë njohur vendnumëro dhe prapaktheu. Mjerisht nga demokracisë fragjile kanë lindur edhe diktaturat. Kjo është e vërteta e historisë, por këtë të vërtetë e shohim ne në kurriz. Në Shqipëri u ngrit një diktaturë e bazuar mbi krimin, drogën dhe korrupsionin, Bazohet në vjedhjen e votës, varfërimin e qytetarëve, largimin e tyre masivisht nga Shqipëria. Por ne jemi këtu për t’u zotuar se këtë nuk e pranojmë kurrë dhe së bashku me këtë ne do të përmbysim Edi Ramën“, u shpreh Berisha.
Prej një muaji ish-kryeministri Sali Berisha ka nisur turin nëpër Shqipëri, me qëllim ringritjen e Partisë Demokratike. Kjo lëvizje e Berishës nisi menjëherë, pasi kryedemokrati Lulzim Basha e përjashtoi nga grupi parlamentar i PD-së, për shkak se SHBA e shpalli “non -grata”.
Discussion about this post