Kuvendi miratoi sot me 75 votat e socialistëve, në një seancë me tensione dhe protesta nga deputetët e PD-së, autorizimin e kërkuar nga SPAK për vendosjen e një mase sigurie “arrest me burg/shtëpie” ndaj ish-Kryeministrit Sali Berisha.
Ky i fundit nuk pranoi të merrte fjalën në seancën plenare, ndërsa kërkoi “çlirimin” e sallës nga gardistët dhe më pas ai mund të fliste. Por kërkesa e Berishës nuk u pranua nga Lindita Nikolla, e cila procedoi me votimin dhe miratimin e relacionit të hartuar nga socialistët.
Por Berisha komentet i ka vijuar në prononcime për gazetarët, ku ndër të tjera u pyet se do të qëndronte nëse GJKKO i caktonte masën e sigurisë “arrest me burg”.
“Jam në kontakt të vazhdueshëm me avokatët. Ju e patë se cili ishte ligji! Cilido që lexon procedurën, sheh një bandë antikushtetuese në veprim. PD do marrë çdo masë për përgjigjen e merituar Ramës.
Çështje do diskutohet me avokatët se ku do kryej arrestin, në shtëpi apo në seli”, tha Berisha.
Discussion about this post