Berisha nga Tropoja: Pas 14 majit Rama i thotë lamtumirë pushtetit

Sali Berisha ka deklaruar nga Tropoja se pas zgjedhjeve të 14 Majit, kreu i qeverisë Edi Ramna do i thotë mirë u pafshim pushtetit.

“Udhëtimi me Ramën është udhëtim drejt varfërisë, skamjes dhe boshatisjes së Shqipërisë, drejt krimit, vjedhjes së buxhetit dhe pasurive të shqiptarëve. Është udhëtim drejt të keqes, 14 maji do të jetë fundi i tij.

Ju garantoj ju se pas vendosjes së pluralizmit me fitoren e Besnik Dushajt në Tropojë, në një afat shumë të shkurtër Edi Rama do i thotë mirë u pafshim pushtetit, ose jo vetëm kaq, do të shkojë tek McGonigal ose atje ku e kanë vendin kriminelët elektoral, ata që kanë kryer genocide mbi shqiptarët duke i larguar nga vendi i tyre.

Është koha të votojmë ndryshimin, është në duart e gjithsecili, ne do të fitojmë.

Asnjë votë për Rexh Biberajn. Cili prej jush ka votuar për emërimin e tij për kandidat për kryetar bashkie. Kurrë mos votoni për ata që për hir të xhepit ndërrojnë çdo pushtet.

Rexh Biberi pasi qëndroi për vite të tëra pushtetar i PD ndërroi çdo parti që i ofroi pushtetin, çdo socialist i Tropojës është 10 herë më me integritet se sa Rexh Biberi. Ju garantoj se kësaj radhe, askush nga Biberajt nuk do ta votojë.

Tropoja dhe veriu, ua them përsëri, kanë te Edi Rama pas Enver Hoxhës dhe Car Dushanit, armikun më të egër, racistin më të papërmbajtur.

Asnjë verior nuk mund t’i japë votën atij. Edi Ramës nuk i jepet vota. U them socialistëve të Tropojës se kam respekt për ta, për qëndrimin në opozitë siç kam qëndruar edhe vetë. Por nuk i jepet vota atij që i thotë se e kam si vëlla Vuçiçin dhe kundërshtar Albin Kurtin.

Në vend që të mbështesë Kosovën, qarkullon çdo tezë dhe çdo mendim të Aleksandër Vuçiç. A mundet një patriot shqiptar të votojë një njeri si ky?” tha Berisha.

Miqtë e mi 14 maji është ditë ndryshimi, hapet rruga për përmbysjen e regjimit. Të gjitha institucionet, do të kthehen siç kanë qenë në rrethin e Tropojës. I gjithë rrjeti elektrik i fshatrave të Tropojës do të rindërtohet. Autostrada e Alpeve do të jetë më panoramike e Ballkanit dhe Evropës.

Ju bëj thirrje malësore të Malësisë së Gjakovës kudo që janë, me 14 maj të vijnë dhe të votojnë. Tropoja ka nevojë jetike për votën e tyre e cila është votë misionare kësaj radhe”, tha Berisha.