Berisha ngre dyshime për afera seksuale: Ambasadori britanik i korruptuar

Sali Berisha akuzoi ambasadorin britanik në Tiranë se qëndron pas vendimit të Britanisë për shpalljen e tij “non grata”.

Në një emision televiziv këtë të Hënë, Berisha hodhi poshtë akuzat nga pala britanike. Ai tha se ambasadori britanik është i korruptuiar dhe ngriti dyshime për afera seksuale të diplomatit.

Deklarata

“Do dalin fakte të reja lidhur me ambasadorin britanik dhe do shohin se Berisha kishte të drejtë”, tha Berisha në “Syri Tv”.

“Britania e madhe është shtet ligjor. Vërtet është marrë një masë por ka kanal zyrtar ligjor që detyrohesh të apelosh para se të shkosh në gjykatën tjetër dhe aty do dëgjoni ju, do shihni shkallën ekstreme të korrupsionit të tij, të paimagjinueshme”, paralajmëroi kreu i PD.

Më tej shtoi: “Vetëm korrupsioni mund ta bëjë atë, të akuzosh Berishën se për lidhje me krimin për x bandë, vetëm se unë kisha akuzuar për diçka tjetër në një kohë kur ajo bandë është denoncuar nga Berisha 10 herë më shumë se të gjithë denoncimet e bëra nga politikanët shqiptarë dhe që mjafton të hapësh të fitesh në gogle, merr çdo bandë dhe shif denoncimet e mia…”

Ju ka akuzuar për lidhje me Suel Çelën?

Berisha u përgjigj: “S’ka rëndësi, rëndësi ka që ajo bandë mbi bazën e një korrupsioni të plotë monetar, politik ose shtrati, dhe asgjë tjetër”…

“Kur të marrësh vesh faktin s’mund tu besosh veshëve”, shtoi, pa dhënë të tjera detaje.