Ish-kryeministri, Sali Berisha, ndodhet sot në Durrës ku prezantoi zyrtarisht në nisje të fushatës kandidatin e koalicionit “Shtëpia e Lirisë”, Ardian Muka. Gjatë fjalës së tij, foli edhe Ballkanin e Hapur, nismë që sipas Berishës po falimenton fermat shqiptare. Sipas Berishës, Serbia subvencionon çdo kokë lopë, çdo dele, kurse fermerët shqiptarë janë të braktisur tërësisht nga qeveria.
“KLSH konstaton se 8 miliardë euro janë vjedhur e shpërdoruar, ja pra pse ikin të rinjtë. Nga 5 shkolla që kishin pasur vite më parë, tani kishin vetëm dy shkolla fillore dhe një 9-vjeçare. Thjesht potenciali, mund t;ju duket çudi, por edhe atje është e jashtëzakonshme, mirë këtu po e po. Këta kanë si synim të plaçkisin pasurinë kombëtare. E dëgjoni çdo ditë? S’besoj se e keni harruar kur filluan të depozitonin plehrat këtu në Manzë dhe mbytën qytetin. Tani ka filluar të shkatërrojë fermat shqiptare me Ballkanin e Hapur. Pse? Sepse Serbia subvencionon çdo kokë lopë, çdo dele, kurse ju jeni të braktisur tërësisht nga qeveria, keni vetëm muskuj dhe asgjë tjetër”, tha Berisha. Ndërsa ndër të tjera iu bëri thirrje qytetarëve që të ngrihen kundër regjimit të Ramës.
Discussion about this post