Ish-kryeministri Sali Berisha ka nisur referendumin për shkarkimin e kryedemokratit Lulzim Basha. Në të gjithë vendin, mbështetësit e Berishës kanë organizuar punën për të krijuar një votim në qendra të improvizuara si në ambiente të degëve, ku Berisha ka mbështetës, ashtu dhe në ambiente private.
Ky votim vjen si frut i i mbledhjes që organizoi Berisha më 11 dhjetor, ndërkohë që po sot mbahet Kuvendi i thirrur nga Lulzim Basha. Kjo duket si një nismë që Berisha ka ndërmarrë për të sfumuar Kuvendin e thirrur nga Basha, me qëllim që të tregojë forcën politike brenda këaaj partie.
Shumë degë të PD nuk e kanë mbështetur referendumin e kërkuar nga Berisha, madje kjo ka shkaktuar dhe përplasje mes palëve si në Sarandë, ku dega ka kyçur derën e zyrave, apo në Tiranë, ku mbështetësit e Berishës pretendojnë se është hedhur vaj makinash në shkallët e godinës ku kërkohej të votohej për referendum.
Discussion about this post